Londër, 24 nëntor - Momente të vështira për Andre Villas Boas në stolin e Chelsea.

Champions League mund të ishte shpëtimtari i portugezit pas rezultateve të dobëta në Premier League.

Takimi në Gjermani ndaj Bayer Leverkusen i shtoi dhembjet e kokës për të pas golit të minutës së 90-të nga Friedrich, Rezultati final 2-1 dhe \"Mourinho i Ri\" rrezikon shumë.

Kualifikimi i londinezëve nuk është në rrezik pasi ndeshja e fundit luhet në Sranford Bridge por duke parë formën e të dyja skuadrave (8 pië për të dy), asgjë nuk është e sigurtë dhe aty Villas Boas do të luajë gjithçka.

Një humbje tjetër në ndeshjen e fundit të fazës së grupeve dhe një eleminim nga Liga e Kampioneve do të ishte vetëvrasje për teknikun 33-vjeçar që po kalon ditët në hijen e Guus Hiddink që mund të rikthehet në stolin e Chelsea.