Madrid, 16 qershor - Sulmuesi spanjoll David Villa ka mohuar se ka probleme mes lojtarëve të Real Madridit, Iker Casillas e Alvaro Arbeloa.

Ndonëse në mediumet është raportuar për përçarje në kampin e Përfaqësueses së Spanjës, prapë Villa insiston se \"furia e kuqe\" është e bashkuar dhe do të synojë të fitojë Kupën e Konfederatave.

\"Ka atmosferë mjaft të mirë dhe mund të shihet. Të gjithë punojnë me shumë përkushtim. Nuk kam parë asnjë problem mes Casillasit e Arbeloas\", ka thënë Villa, përcjell \"Goal.com\" të shtunën.

Villa është golashënuesi më i mirë në histori të Përfaqësueses së Spanjës, me 53 gola.