Barcelonë, 5 nëntor - Tito Vilanova nuk ka fituar ende asgjë, por “kështjellës” së ndërtuar nga Pep Guardiola iu lëkund një themel i fortë pas rekordit të trajnerit aktual me nëntë fitore dhe një barazim në 10 ndeshjet e para të kampionatit.

Gjithsesi, Tito ruan një linjë serioze, duke mos e shprehur entuziazmin për këtë arritje. “Mua më interesojnë vetëm pikët në renditje”, u shpreh pas fitores ndaj Celta Vigos trajneri katalonas për “Sport”.

“Nuk kemi fituar ende asgjë, ndërsa rekordi do të thyhet një ditë’, shton Vilanova. Në fund ai qetësoi tifozët, duke thënë se dëmtimi i Messit nuk është serioz.