Barcelonë, 3 korrik - Victor Sanchez e ka braktisur Barcelonën për të nënshkruar me ekipin zviceran Neuchatel Xamax.

Transferimin e kanë konfirmuar të dy klubet, ndërsa Sanchez e ndërpreu kontratën e tij me Blaugranët për t’u transferuar në një skuadër ku do të ketë më shumë minutazh për të luajtur.

Megjithatë, Barca e ka ruajtur mundësinë për ta blerë kartonin e plotë të 23-vjeçarit deri në janar të vitit 2012.