Amsterdam, 29 maj - Humbja 1-2 me Bullgarinë ka bërë që në kombëtaren holandeze  të lindë një problem shumë i debatuar prej kohësh.

Legjenda e Holandës, Marco van Basten, e ka kritikuar Marvijkun, duke e akuzuar atë se nuk po vepron siç duhet me lojtarët. “Si është e mundur që të përmbysesh në atë mënyrë?

Kjo tregon qartë çekuilibrimin e lojtarëve dhe skemës së lojës. Një shkak i këtij dështimi është se Bert  van Marwijk u ka besuar emrave fillimisht, më pas u përpoq t’i gjente pozicionin secilit”, – kritikoi Van Basten pas humbjes ndaj Bullgarisë.

Por, Marvijk nuk ka vonuar t’i kundërpërgjigjet: “Van Basten më duket se nuk e ka parë me syrin e një specialisti këtë ndeshje. Nuk i vë faj, pasi jo gjithnjë i analizon gjërat ashtu siç duhet”.