Monaco, 18 maj - Vazhdon kampanja e përforcimeve për Monacon, e cila është rikthyer në elitën e futbollit francez.

Skuadra mbretërore franceze po mendon ta ndërtojë një ekip cilësor, të nivelit evropian.

Sipas medieve franceze, drejtuesit e Monacos praktikisht e kanë kryer punën rreth transferimit të portierit të Barcelonës, Victor Valdes.

Portierit spanjoll i skadon kontrata me gjigantin katalunas më 30 qershor, kështu që përfaqësuesi spanjoll mund ta vazhdojë karrierën në Francë, pasi refuzoi ta vazhdonte kontratën me Blaugranat.