Madrid, 7 mars - Komisioni Disiplinor i Federatës së Futbollit të Spanjës e ka diskualifikuar portierin e Barcelonës, Victor Valdes me 4 ndeshje moslojë.

Numri 1 i gjigantit katalunas e kishte fyer gjyqtarin Perez Lasa, pas ndeshjes me Real Madridin, ndërsa ky i fundit e kishte ndëshkuar me karton të kuq, pas takimit.

Valdes ishte mllefosur në gjyqtarin, i cili nuk kishte dhënë penallti në dobi të Barçës, në minutat e fundit të takimit.

Real Madridi e ka fituar ndeshjen 2:1, edhe pse Barcelona mbetet 13 pikë përpara në tabelë. Në këto katër ndeshje, portën e ekipit të Jordi Rouras do ta mbrojë portieri Pinto.