Manchester, 16 tetor - Manchester United nuk heq dorë nga sulmuesi i Atletico Madridit, Antoine Griezmann.

Siç raportojnë mediat angleze, ‘Djajtë e Kuq’ janë gati të rihapin negociatat me Atletico Madridin për yllin francez, transmeton KosovaPress.

Trajneri i Unitedit, Jose Mourinho në tregun e kaluar kishte provuar ta blejë Griezmannin, por lojtari vendosi të qëndrojë në ‘Vicente Calderone’.

Por, tekniku portugez insiston që francezi ta ketë në skuadër. Thuhet se United është duke përgatitur një super ofertë në vlerë 80 milionë euro për Griezmann, i cili konsiderohet trashëgimtar i përsosur për Wayne Rooney.