Manchester, 22 korrik - Kampioni aktual i Anglisë, Manchester United është i gatshëm t’i dyfishojë rrogën lojtarit të Barcelonës Cesc Fabregas, për ta bindur që të braktisë radhët e Barcelonës, transmetojnë mediumet britanike.

Kjo ofertë do të thotë se Fabregas do të fitonte 232 000 euro në javë, që është dyfish më shumë se paga e tij në klubin katalanas.

Si shkruan gazeta londineze Mirror, menaxheri i M. Unitedit, David Moyes i ka bindur krerët e klubit anglez që për blerjen e tij t’i ofrojnë Barcelonës 35 milionë euro.

Javën e shkuar nënpresidenti i Barcelonës Josep Maria Bartomeu konfirmoi se klubi i tij nuk e ka ndërmend ta shesë Fabregasin. “Fabregas nuk është në shitje” ishte kategorik Bartomeu.