Manchester, 10 nëntor - Manchester United është duke u përgatitur ta shesë kapitenin Nemanja Vidic te Real Madridi.

Daily Mail shkruan se trajneri i Realit, Jose Mourinho, vazhdon të mbajë sytë nga Vidic ndërsa synon të ndërtojë një ekip që do të mund të fitojë titullin e Ligës së Kampionëve.

Sir Alex Ferguson mendohet se nuk do të nxitet ta shesë serbin në afatin kalimtar të janarit. Por ai do ta mendojë këtë për verën e ardhshme nëse në adresë të tij arrin një ofertë e majme, me të cilën ai do të mund të sillte një zëvendësim të përshtatshëm.

Ferguson është i bindur se Vidic nuk është 100 për qind i përkushtuar te United dhe nuk është i kënaqur me atë çfarë ai ka dhënë deri tani këtë sezon.