Manchester, 25 dhjetor - Media italiane dje ka bërë publike një ofertë të çmendur që Juventusi duket se ka marrë nga Manchester United.

Trajneri skocez i "Djajve të Kuq" Sir Alex Ferguson është gati të paguajë 55 milionë euro për të sjellë në "Old Trafford" mesfushorin kilian të bardhezinjëve Arturo Vidal.

Ish futbollisti i Bayer Leverkusen e ka mahnitur teknikun skocez, i cili sheh te 24-vjeçari zëvendësuesin ideal të Paul Scholes.

Ky nuk është sulmi i parë i United, pasi në verë ata ofruan 45 milionë euro, por kjo ofertë u refuzua nga drejtuesit e Juventus.

Gjithësesi, kur bëhet fjalë për një shifër të tillë sigurisht që edhe kampionët tundohen.