Manchester, 8 qershor - Manchester United mendon seriozisht për Cesc Fabregas në merkato. Mesfushori katalanas që sezonin e kaluar nuk ishte një titullar fiks te Barcelona, do të diskutojë për të ardhmen pas disa ditësh me Vilanovan dhe ky takim do të vendosë shumë për fatet e tij.

Por cilido të jetë vendimi i bisedimeve, për të Arsenali e Manchester United janë në luftë të vërtetë.

Wenger nuk e ka mohuar dëshirën për ta patur atë sërish në ekip por për momentin po mendon për Wayne Rooney çka i jep një avantazh David Moyes të nisë bisedimet me Barcelonën.

Në “Old Trafford”, Fabregas do të kishte një rol kyç, duke parë largimin e Scholes dhe formën jo të mirë të Carrick dhe Cleverley, ndërkohë që Anderson nuk jep aspak garanci.

Me pak fjalë, David Moyes kërkon t’ia besojë çelësat e mesfushës lojtarit spanjoll dhe rindërtimi i Man. United pritet të nisë me Cesc Fabregas.