Paris, 8 shkurt - Manchester United dhe Paris Saint Germain (PSG) janë duke përcjellë anësorin e Real Madridit, Angel di Maria.

Daily Express shkruan se Los Blancos planifikojnë të pastrojnë skuadrën këtë verë dhe Di Maria duket se është pjesë e listës së atyre që do të largohen.

Menaxheri i United, Sir Alex Ferguson, për tashmë një kohë është admirues i argjentinasit dhe pritet të dalë me ofertë në afatin kalimtar të verës.

Ndërkohë për Di Marian interesim po shfaq edhe klubi që synon të shndërrohet në fuqi të re të futbollit evropiane, PSG.