Vjenë, 27 gusht -  UEFA e ka shpallur Lionel Messin lojtarin më të mirë në Evropë për sezonin 2014/2015.

Messi me plot meritë kështu është shpallur edhe futbollisti më i mirë në Evropë, në një skenë ku i pranishëm ishte edhe Cristiano Ronaldo dhe kolegu i tij i ekipit, Luis Suarez.

Messi ishte fantastik gjatë gjithë sezonit të kaluar, duke shënuar gola vendimtar me golat e tij dhe asistimet.

Paraqitja e argjentinasit në finale ishte kruciale, pasi ndihmoi në golat që i dhanë fitoren Barcelonës për trofeun e pestë në histori të klubit.