Romë, 28 shtator - Francesco Totti dëshiron të luajë me Romën deri në moshën 45 vjeçare. Mesfushori italian e festoi ditëlindjen e 35-të të martën, ndërsa ai përshkruhet si lojtari më i madh në histori të klubit kryeqytetas.

\"Dëshiroj t′i falënderoj të gjithë njerëzit, për mesazhet e këndshme që m′i dërguan”, deklaroi fillimisht Totti.

\"A mund të luaj edhe 5 vjet të tjera? Dëshiroj të luaj edhe 10 vjet\", përfundoi ish përfaqësuesi italian.

Totti e kaloi tërë karrierën në Romë, duke debutuar si 16 vjeç në vitin 1993. Ai e ndihmoi Romën ta fitonte Scudetton në sezonin 2000-2001.