Varrshavë, 11 qershor - Tifozët kroatë para ndeshjes me Irlandën i kanë bërë thirrje UEFA-s që ta pranojë Kosovën në organizatën e saj. Kosova ka vite që po bën përpjekje për pranim në FIFA e në UEFA.

Një tifoz kroat është regjistruar nga agjencitë ndërkombëtare të lajmeve me një top në të cilin shkruhet mesazhi që Kosova të pranohet në UEFA.

Siç mësohet, tifozi në tribunat e stadiumit Miejski në Poznan të Polonisë është shqiptar, shtetas dhe tifoz i kombëtares kroate, i cili ka shfrytëzuar Euro 2012 për të promovuar dhe prezantuar Kosovën dhe pranimin e saj në UEFA.

Fotoja e publikuar ka nxitur debate dhe është shfaqur në disa media kroate dhe të huaja.