Londër, 30 maj - Sulmuesi i Arsenalit, Theo Walcott, është i gatshëm ta marrë rolin e liderit për sezonin e ardhshëm.

Walcott beson se ai mund ta ofrojë përvojën e tij për të mirën e ekipit, që është kryesisht një ekip me lojtarë të rinj.

“Sasia e përvojës që kam pasur në moshë të re, pasi kam ndarë dhomën e veshjeve me fituesit e Ligës Premier dhe Kupës FA, dhe të jem i vetmi, me Abou [Diaby], i cili ende është në atë dhomë sot, mund të ndihmojë”.

“Mund të jap përvojën time… për të rinjtë tjerë. Nëse dikush nuk ia del mirë, do të mundohem t’i ndihmoj. Nëse gjërat shkojnë mirë, ju vetëm ua tregoni që ata po bëjnë diçka të mirë”.

“Mendoj se ky është roli im disi dhe sigurisht se të luaj futbollin tim në fushë kur mundem”, ka thënë Walcott për Arsenal Player.