Torino, 26 qershor - Carlos Tevez do ta vazhdojë karrierën në Juventus. Sulmuesi argjentinas vendosi t’i bashkohet ekipit Bianconeri, duke hequr dorë kështu nga Milani, i cili dukej afër transferimit të tij.

‘Zonja e Vjetër’ do t’ia paguajë Manchester Cityt 9 milionë euro plus 3 të tjera nga bonuset.

Përfaqësuesi argjentinas do të paguhet 5 milionë euro në vit, me një kontratë trevjeçare deri më 30 qershor të vitit 2016.

Tevez kishte kontratë me Citizens edhe një vit, por vendosi të largohet përfundimisht këtë verë.