Paris, 27 janar - Përfaqësuesi i Carlos Tevez, Kia Joorabchian, ka deklaruar se sulmuesi i Manchester Cityt mund t`i bashkohet Paris Saint-Germainit gjatë afatit kalimtar veror, nëse nuk largohet gjatë këtij afati.

Drejtori sportiv i PSG, Leonardo, ka njoftuar se klubi i tij i ka përfunduar negociatat për transferimin e Tevez në janar, megjithatë Joorabchian thotë se gjërat mund të rifillojnë në qershor.

“Nëse Carlosi nuk largohet nga Manchester City këtë dimër, ne nuk do ta mohojmë mundësinë që ai t`i bashkohet PSG-së në verë”.

“Ky është padyshim një opsion nëse ai nuk nënshkruan për Interin ose Milanin”, citon L`Equipe fjalët e Joorabchian.