Paris, 21 janar - Pas informacioneve të mediave italiane dhe ato franceze se argjentinasi Carlos Tevez është pranë nënshkrimit me Paris Saint German - PSG, është vetë lojari që duket se ka bllokuar.

Sipas agjentit të tij, ai është i interesuar për Milanin ndërkohë që ekipi italian ende nuk është deklaruar.

Mos transferimi i Patos i ka hapur telashe ekipit të Milanit për ta sjell Tevezin në Itali.

21:23 Sipas ‘La Gazzetta dello Sport’, Carlos Tevez dhe Manchester City kanë arritur marrëveshjet përkatëse me PSG dhe mungon vetëm konfirmimi zyrtar i dy klubeve.

PSG do të paguajë tek klubi anglez për të marrë shërbimet e sulmuesit argjentinas plot 37 milionë euro , ndërsa vetë Tevez do të paguhet 11 milionë euro në sezon.

Më parë, klubi francez kishte ofruar 7 milionë euro rrogë për futbollistin, por në takimin e sotëm mes agjentit të Tevez dhe Leonardos  gjithçka është zgjidhur. Tevez do të luajë në kryeqytetin francez deri në vitin 2015.