Liverpool, 12 dhjetor - Menaxheri i Liverpoolit, Kenny Dalglish ka insistuar se vlera e Luis Suarezit për ekipin është më e rëndësishme se golat.

24-vjeçari realizoi për herë të parë në Premierligë nga 1 tetori derisa Liverpool mposhti Queens Park Rangers 1-0 të shtunën duke përfunduar serinë prej katër barazimeve të njëpasnjëshme në Anfield.

Gjatë kësaj periudhe, Suarez është vënë në qendër të dy hetimeve të Federatës angleze të Futbollit për sjellje të pahijshme, por përforcimi i janarit 2011 ka përkrahjen e plotë nga Dalglish.

Strategu i Liverpoolit beson se futbollisti ka fituar reputacionin e të padëshiruarit për rrëzimet e shpeshta, që e kanë shndërruar atë në cak të kundërshtarëve.

Megjithatë, pasi përcolli Suarezin duke i dhënë fund pritjes së golit, Dalglish tha: “Kurrë nuk e vlerësoj dikë vetëm për gola.

Kjo është për një arsye të thjeshtë, sepse nuk e vlerësoni portierin për pritjet, sepse nëse ai është duke bërë pritje të mira, do të thotë se ne kemi probleme diku tjetër.

Të gjithë mund të shënojnë gol, por sigurisht se për secilin që realizon është një ngritje e madhe dhe jam i sigurt se do t’i ndihmojë edhe Luisit”, deklaroi Dalglish për Sky Sports News.