Liverpool, 13 prill - Luis Suarez nuk do të largohet nga skuadra e Liverpoolit edhe pse për të kanë shfaqur interes shumë skuadra.

Kështu thotë veterani i kësaj skuadre Jamie Carragher i cili e cilëson lojtarin si një nga lojtarët më të mirë në të gjithë botën.

“Suarez është vendimtare. Ai është një nga lojtarët më të mirë, jo vetëm në Premier League por në të gjithë futbollin botëror. Ne jemi të interesuar ta mbajmë këtu. Unë jam i sigurt se ai do të qëndrojë”, ka thënë ai për Sky Sports.

Një nga skuadrat e cila është e gatshme të ofrojë 30 milionë euro për kartonin e Luis Suarez është skuadra e Juventusit.