Prishtinë, 4 dhjetor - Në mbledhjen e sotme Qeveria e Kosovës ka vendosur sot që stadiumi kombëtar i Kosovës të ndërtohet në Drenas.

Kabineti qeveritar miratoi propozim vendimin e Ministrisë së Kulturës për caktimin e zonës ekonomike si lokacion për ndërtimin e stadiumit.

Ministri i Kulturës, Kujtim Gashi tha se ky projekt synon përmirësimin e kushteve për sportin.

Sipas tij, ndërtimi i stadiumit parashihet të bëhet në një zonë prej 25 hektarësh në komunën e Drenasit. “Ky është një projekt kapital për sportin në përgjithësi e për futbollin në veçanti”, ka thënë Gashi.