Abu Dhabi, 8 shkurt - Përfaqësuesja e Spanjës është emëruar ‘skuadra e vitit’ në ceremoninë e ndarjes së çmimeve “Laureus World Sports Awards”, në Abu Dhabi.

Vitin e kaluar ‘Furia e kuqe’ u shpall kampion i botës në futboll në Afrikën e Jugut, dhe kjo bëri që kjo skuadër të votohet si më e mira e 12 muajve të kaluar, duke dalë përpara Interit që fitoi Kampionatin italian, Kupën e Italisë dhe Ligën e Kampionëve.

Legjenda franceze Zinedine Zidane mori çmimin për arritje jetësore, që mes tjerash gjatë karrierës fitoi Kupën e Evropës, Kupën e Botës dhe Ligën e Kampionëve.

Ndërkaq, sportisti i vitit u shpall tenisti Rafael Nadal.