Barcelonë, 14 gusht - Barcelona ka avancuar negociatat me arsenalin për blerjen e kamerunasit Alex Ssong.

Mësohet që oferta e parë e katalansve për 24 vjecarin është 15 milion euro, dhe tashmë pritet një përgjigje nga londinezët, të cilët e vlerësojnë kartonin e futbollistit të tyre nga 18-20 milion euro.

Pasi dështoi në blerjen e Javi Martinez, Barcelona sheh tek Aleksandër Song përforcimin e duhur për mesfushën por edhe për mbrojtjen, pasi kamerunasi mund të luajë si mesfushor shkatërrues por edhe si qendërmbrojtës.

Drejtuesit blaugrana shpresojnë që kjo marrëveshje të përfundojë sa më shpejtë, pasi shpresojnë shumë tek marrëdhëniet e mira që kanë me Arsenalin.

Në të shkuarën të dyja skuadrat kanë kryer lëvizje në merkato duke kujtuar rastet e Henry, Hleb dhe së fundmi Ffabregas.

Edhe drejtuesit e Arsenalit janë të interesuar për shitjen e Song, pasi kërkojnë të marrin nga Renes mesfushorin e përfaqësueses franceze Jan Mvila.