Stamboll, 21 janar - Sneijder është tashmë një lojtar i Galatasaray. Njoftimi zyrtar i klubit turk mbërriti në mbrëmje, teksa Inter po zhvillonte ndeshjen në Olimpico kundër Romës.

Marreveshja u arrit pas takimit të zhvilluar mes holandezit dhe presidentit Moratti.

\"Jam i gëzuar që do të shkoj në Turqi, do të jap më të mirën time për Galatasarayn. Kam mësuar se po më presin, pasi di që tifozët turq janë fantastike. Mezi po pres të luaj dhe do të mbërrij nesër në Stamboll. Do të shihemi së shpejti në Stamboll.\" ka deklaruar Sneijder.

Inter tani do të përqendrohet tek Paulinho i Corinthias.