Manchester, 4 gusht - Trajneri i Manchester United Sir Alex Ferguson ka deklaruar se ende nuk ka asgjë konkrete për transferimin e mesfushorit të Interit Wesley Sneijder tek ekipi i tij United.

"E pra, ne gjithmonë përpiqemi për të përmirësuar gjendjen. Por në këtë moment nuk ka asgjë konkrete".

Ferguson gjithashtu mori mundësi për të lavdëruar Van der Sar.

"Ai kishte një karrierë të madhe për shkak të karakterit të tij.Niveli i tij i punës për një kohë kaq të gjatë ishte i mahnitshëm. Ai është një njeri i madh",tha Ferguson për BBC.