Manchester, 18 prill - Ashtu siq kishim paralajmëruar para disa ditësh, talenti kosovar me pasaportë austriake Sinan Bytyqi është lojtar i ri i Manchester Cityt.

Mediat angleze dhe austriake e kanë zyrtarizuar kalimin e talentin kosovar në radhët e skuadrës Manchester City.

17 vjeçari Bytyqi i është bashkuar Cityt, ku tashmë do te luaj me ekipin e rezervave të klubit anglez, me shpresën që një ditë do të jetë pjesë edhe e përbërjes së parë tek City.

Bytyqi më herët ishte në prova tek skuadra angleze por që ishte rikthyer prapë në skuadrën austriake Admira.

Ky është kosovari i dytë që për pak muaj kalon në një skuadër angleze duke ndjekur rrugën e transferimit të kosovarit tjetër Frederik Veseli që në janar kaloj tek Manchester United