Paris, 2 tetor - Mbrojtësi i Paris Saint-Germain, Thiago Silva, preferon më shumë të luajë krahas Alex në mbrojtje sesa të krijojë partneritet me Mamadou Sakho.

22-vjeçari Sakho konsiderohet si një nga mbrojtësit e rinj më të mirë në Evropë, mirëpo braziliani pëlqen të luajë krahas Alex për shkak të përvojës së tij.

“Sakho dhe Alex janë dy lojtarë me kualitet të madh. Dallimi i madh mes tyre është se Alex ka më shumë përvojë”.

“Më duhet të pranoj se, megjithëse ndihem mirë me cilindo prej tyre pranë meje, jam më i relaksuar kur luaj krahas atij me përvojë, që është Alex”, citon Le Parisien fjalët e ish-futbollistit të Milanit.