Prishtinë, 6 korrik - Në shënimin e Ditës botërore të sporteve të ujit, Pishina e Gërmisë në bashkëpunim me Federatën e Sporteve të Ujit të Kosovës mbajti organizimin e radhës me fëmijet e Prishtinës me qëllim sensibilizimin e notit dhe aktiviteteve ujore në të mirë të shëndetit dhe shoqërisë.

\"Urojmë që të ketë sa më shumë aktivitete të ngjashme si dhe mbështetje sa më të madhe nga institucionet vendore sepse shëndeti është në rend të parë\", thuhet në një njoftim të Federatës.

Federata falënderon instruktorët e shkollës verore të notit të cilët ndihmuan në realizimin e kësaj pjese të punës, si dhe prindërit për përkushtimin e tyre.