Jena, 13 janar - Sulmuesi kosovar Andis Shala ka firmosur kontratë për një vit e gjysmë me skuadrën e kategorisë së katërt të Gjermanisë, Carl Zeiss Jena, bën të ditur "Kicker Online".

Shala te Jena është transferuar nga Halleschen FC. Sulmuesi 24-vjeçar te Halleschen FC nuk ka arritur të tregojë veten.

Ai nga viti 2008 deri në vitin 2011 kishte qenë pjesë e skuadrës së Premier Leagues së Skocisë, Dundee United.

"Andis Shala ka aftësitë që të na përforcojë sulmin", ka thënë presidenti i Jenas, Rainer Zipfel.

Jena është e dyta në Zonën Verilindore të Ligës Rajonale me 30 pikë nga 15 ndeshje dhe po lufton për inkuadrim në kategori të tretë.