Londër, 26 qershor - Skuadra e Chelseat ka konfirmuar transferimin e sulmuesit të Përfaqësueses së Gjermanisë, Andre Schuerrle, njofton të martën agjencia e lajmeve Reuters.

Schuerrle, 22-vjeçar, me Chelsean ka firmosur kontratë pesëvjeçare, ndërsa është transferuar nga skuadra gjermane Bayer Leverkusen.

Schuerrle është transferimi i parë i Jose Mourinhos prejse u rikthye te Chelsea.

Sipas mediumeve angleze, Chelsea ia ka paguar Leverkusenit një dëmshpërblim prej 20 milionë eurosh.

\"Jam shumë i lumtur që kam firmosur me Chelsean. Është një nder i madh të luaj për këtë skuadër dhe do të bëj të pamundurën që të arrijmë synimet\", ka thënë Schuerrle, i cili ka regjistruar 24 paraqitje me Gjermaninë dhe ka shënuar 11 gola.