Berlin, 8 dhjetor - Sipas medieve gjermane, Schalke 04 është e gatshme të ofrojë 15 milionë euro për transferimin e sulmuesit të Kolnit, Lukas Podolski.

Reprezentuesi gjerman së fundmi ishte përmendur si objektiv i klubeve nga Serie A Juventus dhe Lazion si dhe gjigantëve nga Premierliga, Liverpool dhe Arsenal, mirëpo Schalke 04 synon t’i ofrojë atij mundësinë të vazhdojë karrierën në Bundesligë.

Podolski ka kontratë me Kolnin deri më 2013, por besohet se do të largohet nga klubi në fund të këtij sezoni.