“Run With Color” vjen për herë të parë sot në Kosovë
Programi YES për këmbim dhe edukim menaxhohet nga Këshilli Amerikan për Edukim Ndërkombëtar dhe financohet nga Zyra për Edukim e Departamentit Shtetëror Amerikan.
"Run with Color" është organizimi i parë i këtij lloji në Kosovë. Garat me ngjyra janë evente që organizohen në të gjithë botën me qëllime të ndryshme bamirësie. Pjesëmarrësit, të veshur në ngjyra të bardha, vrapojnë duke u spërkatur me ngjyra jo të dëmshme, që e bëjnë vrapimin shumë atraktiv dhe interesant.
Qëllimet e eventit janë nga më të ndryshmet, si: mbledhja e fondeve për shoqata të ndryshme, festimi i lumturisë e i shëndetit.
Ky organizim, që po vjen në Kosovë ka për qëllim kryesor mbledhjen e fondeve për Shoqatën e Të Shurdhërve në Kosovë, me ç’rast të gjitha fondet e mbledhura do të shkojnë në drejtim të shoqatës.
YES fton të gjithë personat që dëshirojnë të ndihmojnë shoqaten e të shurdhërve dhe ata që dëshirojnë të marrin pjesë në një eksperincë kaq unike për herë të parë në Kosovë!
"Run with Color" do të mbahet më 22 prill, në Parkun e Gërmisë në Prishtinë, duke filluar nga ora 10 e mëngjesit deri në ora 12 në drekë dhe do të jetë një vrapim relativisht i lehtë, 3 kilometra. Të gjithë pjesëmarrësit duhet të veshin bluza të bardha dhe mundësisht të kenë edhe syze me veti, për shkak të ngjyrave.
Çmimi i biletave për pjesmarrje do të jetë 2€, mirëpo pasi që qëllimi kryesor është mbledhja e sa më shumë fondeve, donacionet do të jenë shumë të mirëpritura. Biletat shiten tek vendi i ngjarjes.
Për ta bërë organizimin sa më interesant, në dispozicionin e pjesmarrësve dhe shikuesve do të ketë muzikë me DJ dhe “color party” për të festuar fundin e maratonës. Gjithashtu 3 finalistët do të shpërblehen me një çmim simbolik nga YES Kosova.
