Barcelonë, 1 qershor - Federico Pastorello ka thënë se klienti i tij ka filluar negociatat me kampionin Spanjoll, Barcelonën.

“Ne jemi duke biseduar me Barcelonën dhe Rossi dëshiron të luaj për ta”.

“Çmimi i tij është ndërmjet 25 milionë euro dhe 30 milionë. Për momentin ne jemi duke pritur për më të rejat nga Barcelona”, tha Pastorello për AS.

Rossi u bashkua me Villarealin nga Manchester United në vitin 2007 dhe që nga ajo kohë ai ka luajtur mëse 100 ndeshje në La Liga.