Barcelonë, 15 prill - Në një intervistë për televizionin gjerman ZDF, presidenti Sandro Rosell jep sinjale se Barcelona ka zgjedhur një lojtar gjerman për mbrojtjen, dhe emri më i lakuar është ai i Mats Hummels.

“Eshtë një futbollist gjerman që më pëlqen shumë, por nuk mund ta them emrin e tij sepse menjëherë çmimi i kartonit do të dyfishohet”.

Eshtë i qartë sinjali i tij se në verë Barcelona do të bëjë gjithçka për lojtarin e Dortmundit ndërsa Rosell nuk harron edhe të komentojë firmën e Guardiolës me Bayern Mynih.

“Kur mora vesh për akordin, i përgëzova të dyja palët sepse ishte lëvizja më inteligjente. Guardiola e di se si punohet në nivelet e larta dhe te Bayerni do të mësohen shumë shpejt me të” përfundoi numri 1 blaugrana.