Paris, 16 prill - Klubi francez Paris Saint Germain (PSG) bëhet gati për një tjetër goditje të madhe në merkato. Ëayne Rooney do të largohet nga Manchester United për të luajtur në “Parc de Prince”, duke nisur nga sezoni i ardhshëm.

Duke cituar një burim të sigurt në klubin parizien, mediat zbulojnë edhe shifrat e këtij operacioni. 25 milionë paund do të shkojnë për klubin anglez, ndërsa për futbollistin 7 milionë euro në sezon dhe një kontratë 4-vjeçare.

Oferta është faranoike për sulmuesin e përfaqësueses angleze në një kohë që ai vetë nuk po kalon një moment të mirë me “Djajtë e Kuq”, ndërsa raportet e tij me trajnerin Alex Ferguson janë ftohur muajt e fundit.

Gjithsesi, asgjë nuk është e lehtë në këtë operacion të merkatos, por Paris SG do të luajë një tjetër kartë. Për të bindur Manchester United do të rrisë në 40 milionë paund ofertën, duke kërkuar edhe kartonin e portugezit Nani.

Një tjetër problem lind me kushtet që imponin “fair-play” financiar, por edhe për këtë ka një zgjidhje.

Lajmi për transferimin e Rooney vjen në një kohë ky zërat për largimin e Zlatan Ibrahimovic janë shtuar shumë dhe mund të jetë sulmuesi anglez zëvendësuesi i denjë i futbollistit suedez.