Manchester, 31 gusht - Sulmuesi i Manchester Unitedit, Wayne Rooney synon ta arrijë rekordin e golave të Sir Bobby Charlton. Sulmuesi anglez ishte i jashtëzakonshëm të dielën duke shënuar tre gola në shkatërrimin e Arsenalit 8-2 në \"Old Trafford\".

Ish-futbollisti i Evertonit për Djajtë e Kuq ka realizuar 150 gola. Ai e arriti rekordin e Rud van Nistelrooyn, në listën e dhjetë futbollistëve më frytdhënës në histori të United.

Edhe pse ende 25 vjeç, sot Rooney e sheh si mundësi reale për ta arritur rekordin e legjendës Charlton, i cili kishte realizuar 249 herë.

\"Gjithmonë është ndjenjë e bukur të shënosh. Kam realizuar 150 gola për një klub si Man Utd dhe shpresoj që të arrijnë edhe shumë të tjerë. Jam i kënaqur me mënyrën se si po shkojnë punët. Kam punuar fort në fazën përgatitore\".

\"E fillova mirë dhe skuadra po kalon në formë të shkëlqyeshme. Isha i vetëdijshëm se isha afër 150 golave para ndeshjes. Pyeta se sa gola kishte shënuar Bobby Charlton. Giggs më tha se më duhen edhe 100 të tjera. Ky është objektivi. Shpresoj që ta arrij këtë në vitet e ardhshme\", deklaroi përfaqësuesi anglez për mediat britanike