Barcelonë, 11 shtator - Wayne Rooney e quan Lionel Messin lojtarin më të mirë të historisë së futbollit.

Sulmuesi i Manchester United dhe Kombëtares angleze, i cili ka luajtur së bashku me Cristiano Ronaldo në rradhët e \"Djajve të Kuq\", ka folur për yllin argjentinas të Barcelonës në një intervistë për shtypin anglez.

\"Messi? Në mënyrën se si luan dhe shënon është spektakolar. Sipas mendimit tim, është futbollisti më i mirë i të gjitha kohërave\", u shpreh Wayne Rooney.

Bomberi anglez ka patur disa herë përplasje me yllin portugez të Real Madrid, sidomos pas përpjekjes së Alex Ferguson për ta risjellë në Old Traford, ndërsa dje legjenda e Real Madrid, Di Stefano deklaroi se as Messi e as Ronaldo nuk janë më të mirët. Më i miri sipas tij ngelet Pele.