Rooney do ti shkojnë 16 milionë euro në sezon nga PSG
Paris, 1 qershor - Wayne Rooney mund të shndërrohet së shpejti në një futbollist më i paguar se Lionel Messi apo Cristiano Ronaldo, pasi Paris SG është i gatshëm që të bëjë çmendurira, për të siguruar kartonin e 28-vjeçarit.
Në bazë të ofertës që kampionët e Francës po përgatisin, Rooney do ti shkojnë 16 milionë euro në sezon, për katër vitet e ardhshëm, ndërsa United do të paguhet me rreth 50 milionë euro.
Pasi ka fituar pesë tituj kampionë të Anglisë dhe një Champions League me fanellën e Djajve të Kuq, Rooney nuk e fshehu, menjëherë pas tërheqjes së trajnerit Ferguson, dëshirën e tij për të provuar një aventurë të re jashtë klubit.
Nëse oferta do të konkretizohet, Rooney do të shndërrohet në futbollistin e dytë më të paguar të botës, pas Etoo që fiton 20 milionë euro në vit tek Anzhi, por përpara Ronaldo-Messi, që përfitojnë nga 12 milionë euro në vit, në bazë të kontratave të tyre aktuale.