Rio De Zhenerio, 15 shkurt - Fenomeni brazilian, Ronaldo pai ka përfunduar karierën e tij futbollistike, ndërsa në deklaratën e dhënë, ai nuk ka mundur ta përmbajë vetën duke filluar të qajë pasi kujton momentet e tij më të mira në karierën futbollistike.

Presidenti i Interit, Massimo Moratti ka lëvduar me nota të larta sulmuesin legjendar brazilian Luiz Ronaldo.

Braziliani i cili luajti pesë vjet te Interi nga viti 1997 deri në vitin 2002, e deklaroi pensionimin të hënën pasdite në një konferencë për shtyp.

“Më vjen keq që ai nuk do të luajë më”, theksoi Moratti.

“Ronaldo është sulmuesi më i mirë në histori. Ekziston afeksion dhe dashuri për të. Gjithmonë ekzistoi kënaqësia sa luajti në fanellën tonë. Për ne ishte privilegj. Unë i dëshiroj çdo të mirë për të ardhmen”, përfundoi eprori Nerazzur.