Manchester, 14 shkurt - Sulmuesi i Real Madridit, Cristiano Ronaldo i ka siguruar tifozët e Manchester Unitedit se nuk do t’i bashkohet kurrë rivalit të përbetuar të ‘Djajve të Kuq’, Manchester City.

“Nëse do të luaj në Manchester City? Jo, nuk do ta bëj këtë kurrë. Zemra ime i takon Manchester Unitedit. Do të ishte shumë, shumë e vështirë për mua të luaj për Cityn."

"Për momentin luaj në Real Madrid, familja ime po kalon mirë në Spanjë dhe nuk e di se çka do të ndodhë në të ardhmen”, deklaroi ylli i futbollit portugez para përballjes me ish skuadrën e tij, në të tetën e finales së Ligës së Kampionëve.