Rio de Zhenerio, 9 korrik - Ish-lojtari më i mirë në botë, braziliani Ronaldo ka thënë se Lionel Messi në këtë moment është lojtari më i mirë në botë.

“të gjithë e dinë se jam i afërt me Real Madridin, por pa mëdyshje mund të them se Messi është më i miri”, ka deklaruar Ronaldo, kurse transmeton gazeta sportive spanjolle Marca.

Ronaldo ka luajtur dikur edhe për Barcelonën edhe për Real Madridin.

Në prononcim për mediet braziliane, Ronaldo ka thënë po ashtu se i ka pëlqyer taktika e lojës pa sulmues klasik, të cilën përzgjedhësi spanjoll Del Bosque e  shfrytëzoi në EURO 2012 për të mbrojtur titullin e kampionit evropian. 

“Futbolli ndryshon. Spanja ka luajtur shkëlqyeshëm pa numrin 9. E njoh mirë Del Bosquen, ai ka qenë trajner imi në Real Madrid”, ka shtuar ish sulmuesi më i mirë në botë, i cili me Brazilin ka qenë kampion bote në vitin 1994 dhe 2002, në fanellën e barcelonës ka qenë më i miri në Kupën e Fituesve të Kupave, kurse me Interin ka triumfuar në Kupën UEFA.