Barcelonë, 29 nëntor - Sulmuesi legjendar brazilian Ronaldo ka vlerësuar se ylli argjentinas Lionel Messi do ta mposhtë portugezin Cristiano Ronaldo në luftë për “Topin e artë” të FIFA-s.

Ylli i Barçës, Messi, në tre vjetët e fundit ka fituar epitetin e futbollistit më të mirë të vitit, ndërsa është favorit për të fituar këtë epitet për herë të katërt.

“Messi dhe Cristiano janë të jashtëzakonshëm, dy lojtarët më të mirë në botë, por Messi bën më tepër për të zbavitur tifozët”, ka thënë braziliani Ronaldo për gazetën spanjolle “Marca”.

Ronaldo gjatë karrierës së tij kishte luajtur për Real Madridin dhe Barcelonën, ndërsa dy herë ishte shpallur futbollisti më i mirë i vitit në botë.