Barcelonë, 3 maj - Trajneri i Real Madridit, Jose Mourinho e ka ftuar Cristiano Ronaldon në ekipin e tij prej 19 lojtarëve, për t’u përballur me Barcelonën në ndeshjen e dytë të gjysmëfinales në garën më prestigjioze në Europë, Champions League.

Reprezentuesi Portugez ishte lënë jashtë ekipit për ndeshjen e tyre kundër Real Zaragozës në Primera Division, ku Mbretërit humbën me rezultat 3-2 në Santiago Bernabeu.

Sidoqoftë, Cristiano Ronaldo do të rikthehet për ndeshjen e dytë në gjysmëfinale kundër gjigantëve nga Katalunia, ndeshje e cila zhvillohet në Camp Nou, ku Barcelona ka avatazh prej rezultatit 2-0 në Bernabeu.