Madrid, 14 qershor - Cristiano Ronaldo thotë se e ka të qartë ardhmërinë e tij dhe se planifikon të lë futbollin duke qenë lojtar i Real Madridit. 

“Nuk e shoh veten duke u larguar nga Real Madridi. Këtu jam shumë i lumtur, është fenomenale. Po të ishte për para, do të mund të kisha dyfishin e asaj që marr tash, por për mua më me rëndësi është trajtimi si person. Nëse presidenti do të më thoshte sot që të nënshkruaja edhe për 10 vjet, këtë do ta bëja. “, ka thënë portugezi, transmeton Marca.

Ai ka thënë se Reali po e kërkon me ngul Championsin e 10, por nuk e ka obsesion. Thotë se Barcelona i fitoi me meritë La Ligan dhe Ligën e Kampionëve, por ia ka inat që e krahasojnë me Leo Messin.

\"Leo është një lojtar shumë i mirë, dhe më pëlqen shumë, por nuk bëj garë me të. Bëj garë me veten, dhe me ekipet e tjera”, ka thënë ai.

Ronaldo ka lavdëruar ndërkohë trajnerin e tij, Mourinho duke e vlerësuar si më të mirin në botë.