Madrid, 30 gusht - Superkupa e Spanjës tashmë e ka vendin e saj, dhe ai është në vitrinat e Santiago Bernabeut, pasi gjiganti Real Madrid e fitoi ndeshjen kthyese me rezultat 2:1, ku protagonistë ishin askush tjetër përveç dy futbollistët më të mirë të planetit, Cristiano Ronaldo dhe Lionel Messi.

Ronaldo ishte ai i cili realizoi golin e dytë për Real Madridin pas një tejkalimi legjendar, i cili do të mbetet në kujtesë të të gjithëve, sidomos të Piques.

Messi nga ana tjetër mbajti në lojë ekipin e tij, duke realizuar një gol të rallë nga gjuajtja e lirë. Shumë lojtarë kanë shënuar gola, por i Messit dallon nga ana teknike e realizimit të goditjes. Thjesht ishte goditje e përkryer tipike për një mjeshtër me top.

Në fund, Real Madridi triumfoi pas një ndeshje mjaft të vështirë, por të fituar me plot meritë, dhe në fund sigurisht se lojtarët duhet të ndërrojnë fanellat e të përshëndeten.

Ronaldo dhe Messi këtë gjë nuk e bënë. Që të dy për një moment në të njëjtën kohë u takuan teksa po përshëndeteshin me gjyqtarët dhe shmangën njëri-tjetrin në mënyrë mjat kontraverse. Ata u përshëndetën me të gjithë lojtarët e tjerë rivalë, por njëri me tjetrin refuzuan ta bëjnë këtë.

Tashmë pritet të ngriten zërat për një rivalitet personal të dy yjeve më të mëdha të dy klubeve më të mëdha në Spanjë, të cilat ashtu-kështu kanë rivalitet të jashtëzakonshëm. Messi dhe Ronaldo luftën pritet ta zhvendosin në Zurich në janar, ku njëri prej tyre pritet të fitojë Topin e Artë për këtë vit.