Rio de Zhenerio, 5 dhjetor - Ronaldinho, i cili ka një kontratë me klubin brazilian të Flamengos deri në vitin 2014, ka demostruar dëshirën për ta mbyllur karrierën e tij me \"Mengao\".

\"Objektivi im është ta çoj Flamengon sa më lart. Për mua ky ka qënë një vit i mrekullueshëm. Kemi fituar Carioca-n, jam rikthyer me kombëtaren seleçao dhe i kam dhuruar momente gëzimi tifozëve të Flamengos, që për mua është gjëja më e rëndësishme. Dua ta mbyll karrierën time këtu.\", u shpreh Ronaldinho para mediave në përfundim të Serisë A braziliane.

Javët e fundit është përfolur për një interesim të Panathinaikos për yllin brazilian por deklarata e fundit e R10-ës duket se i shuan ëndrrat e tifozëve grekë.