Romë, 26 korrik - Drejtori sportiv i Palermos, Giorgio Perinetti, ka deklaruar se nuk ka biseduar me Romën rreth transferimit të Federico Balzarettit.

Giallorossi kryesojnë listën e klubeve që janë në kërkim të mbrojtësit italian, i cili la përshtypje në Euro 2012.

“Nëse Roma është e interesuar për Balzarettin, atëherë Walter Sabatini duhet të pyesë për të”.

“Kemi pasur një takim me Sabatinin, po nuk ka qenë për Balzarettin. Ende nuk ka asgjë konkrete, prandaj duhet të presim dhe të shohim se si do të shkojë kjo çështje”, ka theksuar Perinetti për Vocegiallorossa.it.