Stamboll, 23 janar - Skuadra turke e Fenerbahce po përgatitet që të hyjë në bisedime me skuadrën italiane të Milanit për sulmuesin brazilian Robinho.

Kjo lëvizje e gjigantit turk vjen menjëherë si përgjigje ndaj rivalit kryesor në Galatasaray, i cili transferoi mesfushorin holandez Wesley Sneijder nga skuadra e Interit.

Sipas mediave turke dhe atyre evropiane, drejtuesit e skuadrës nga Stambolli mësohet se kanë pranuar kushtet e Milanit për transferimin e sulmuesit brazilian në Turqi.

Milani kërkon 8 milionë euro për ta lënë të lirë Robinhon dhe Fenerbahce duket se nuk ka asnjë hezitim për të paguar këtë shumë.

Pritet që në këtë javë të zbulohen më shumë detaje lidhur me këtë operacion, pasi bisedimet ende janë në stadin fillestar.